"5+1" guruhining "Sinaps" nomli ko'rgazmasi

“5+1” guruhi 2008 yilda Milliy bank galereyasi xodimlari orasidan tashkil etilgan. Bu yilgi loyihada guruh a'zolari: Yoqub Beknazarov, Diyor Roziqov, Sanjar Jabborov, Sharifa va Doniyor Sharafxo'jaevlar, Nuriddin Rasulov hamda O'ktam Saidov. 

Guruh 15 yildan ortiq vaqt davomida o'z loyihalarini tomoshabinlarga muvaffaqiyatli taqdim etib kelmoqda. Ular ichida: “5+1” (2008), “Vertikal” (2009), “SENSUS” (2010), “Silentium” (2010), “Magnit” (2013), “Spektr” (2015), “Oq nur” ” "(2018), "Mobilizatsiya" (2022) ko`rgazmalarini eslab o`tish joiz.

2022 yilda o`tgan IX Toshkent xalqaro zamonaviy sanʼat biennalesida “5+1” guruhi Gran-priga sazovor boʻldi.

Sog'lom inson miyasida yuzlab sinapslar bir-biriga bog'langan va 200 milliardga yaqin nerv hujayralari mavjud. Har bir nerv hujayrasida o'n minglab sinapslar bo'lishi mumkin.

Sinaps (yunoncha σύναψις, — bogʻlanish) — nerv sistemasida nerv impulslarini uzatishda asosiy rol oʻynaydigan maxsus tuzilma. Sinaps neyronlar orasidagi aloqani ta'minlaydi va ma'lumotni elektr va kimyoviy signallar shaklida uzatish imkonini beradi. Sinapsning miya va asab tizimi faoliyatidagi ahamiyati - bu nerv impulslarida bir hujayradan ikkinchisiga o'tadigan ma'lumotni uzatishning asosiy mexanizmidir.

"5+1" guruhining rassomlari ma'lum bir mavzu doirasida ularni 15 yildan ortiq vaqt davomida birlashtirgan "neyron"lar vositasida bog`lanadilar, bu his-tuyg'ularning butun oqimini san’at vositasida ifoda etishga o'xshaydi. Ko`rgazma orqali ijodkorlar onglarida kechayotgan his-tuyg'ularni, individualliklarini yo'qotmasdan o'zlari va bir-birlari bilan aloqa nuqtalarini topadilar.

Sinaptik uzatish paytida signalning amplitudasi va chastotasi tartibga solinishi mumkin bo'lganidek, "5+1" guruhidagi hamkorlik har bir ishtirokchi idrokini umumiy ong oqimiga integratsiya qilish, mavzuni to`liq ochishda to'g'ri qaror qabul qilish, birlashish nuqtasini topish va guruhda hamjihat bo’lib birlashishga olib keladi. Bu ishtirokchilarga o'zgaruvchan sharoitlarga muvaffaqiyatli moslashish va turli hodisalarga samarali javob berish imkonini beradi.

Ko`rgazma 2024 yilning 19 martidan 19 aprelgacha davom etadi.