Kuch ishonchda

Visa Direct

Maxsus sa’y-harakatlarsiz darhol o‘tkazmalar!

Sberbankdan o‘tkazmalar

"O'zmilliybank" ning eng foydali kursi bo‘yicha!

NBU ijtimoiy tarmoqlarda:

Iqtisodiy nochor korxonalarni sog'lomlashtirish TIF Milliy banki faoliyatining ustuvor yo'nalishlaridan biri bo'lib qolmoqda

16.09.2015 1275

Bir necha yillardan beri O'zbekiston Tashqi iqtisodiy faoliyat milliy banki O'zbekiston Respublikasi Prezidentining 2008-yil 19-noyabrdagi "Iqtisodiy nochor korxonalarni tijorat banklariga sotish tartibini tasdiqlash to'g'risida"gi Farmoyishiga muvofiq, bank balansiga qabul qilingan iqtisodiy nochor korxonalar negizida tashkil etilgan sho'ba korxonalar faoliyatini yo'lga qo'yish bo'yicha muayyan ishlarni amalga oshirib kelmoqda.  Xususan,  bank korxonalarga investitsiya kiritish yo'li bilan ishlab chiqarishni qayta tiklash, ularni  texnik va texnologik modernizatsiyalashga e'tibor qaratib, sifatli bank xizmatlarini taklif etib kelmoqda.

Iqtisodiy nochor korxonalarga "NBU Invest Group  va  NBU Investment” kompaniyasi tomonidan investitsiyalar ajratilib kelinmoqda.  Ushbu kompaniya faoliyati iqtisodiy qiyinchiliklarga uchrab, bank balansiga qabul qilingan yangi korxonalarni boshqarishga yo'naltirilgan.

"NBU Invest Group  va  NBU Investment” kompaniyasi tasarrufidagi mas'uliyati cheklangan  jamiyatlardan biri Samarqand viloyati, Samarqand shahri, Shohruh ko'chasida qad rostlagan      4-yulduzli "Registon Plaza" mehmonxonasidir. Mehmonxona 213 kishiga mo'ljallangan 165 ta xonadan iborat. Unda mehmonlar yaxshi dam olishlari uchun 24 soat davomida yuqori sifatli xizmatlar ko'rsatiladi.

-  Bu mehmonxonada 6 kundan beri turibman va bu yerda o'zimni juda qulay his qilyapman, deydi - germaniyalik mehmon Briget  Elingxaus. – Avvalo, mehmonxona  shahar markazida,  tarixiy obidalarga yaqin yerda joylashgan.   Mehmonxonadan piyoda yurib, ularni tomosha qilishimiz mumkin.  Qolaversa,  mehmonxonaning   ishchi - xizmatchilari  juda mehmondo'st.  Yana bir muhim jihati, bu yerda  hech qanday muammosiz internetga ulanishingiz mumkin.    

Darhaqiqat, "Registon Plaza"ga tashrif buyuruvchilar bo'sh vaqtlarini unumli o'tkazishlari uchun shahar bo'ylab mehmonxona tomonidan buyurtirilgan transport vositasi orqali sayohat qilishlari, xonalaridagi bepul Internet, Wi-Fi  xizmatidan foydalanishlari mumkin.

-“Registon Plaza” mehmonxona xo'jaligi va turizm bozorida  ishlab kelayotganiga 10 yildan  oshdi , deydi- “Registon Plaza” MCHJ direktori Azamat Eshonqulov. Mehmonxonamiz  Samarqand viloyatidagi eng yirik  kompleks hisoblanadi. U 2003-yildan 2010-yilgacha  “O'zbektuzizm”  MK  tasarrufida faoliyat yuritgan bo'lsa,  2010-yildan   Milliy bank balansiga o'tkazilgan.  Mehmonxona  "NBU Invest Group  va  NBU Investment” boshaquruviga o'tgandan so'ng,  uning faoliyati tamomila  xalqaro  standartlar asosida, 4 yulduzli mehmonxona talablari bo'yicha yo'lga qo'yildi. Mehmonxonada  yuzdan ziyod ishchi xizmatchilar  mehnat qiladi.

Bu yerda  mehmonlarga  oddiy  nomerlar qatori, lyuks xonalar,  xashamatli   apartamentlar taklif etiladi. Bunday xonalar ayniqsa, oilaviy  turistlar uchun juda  qulay.  Shuningdek,  “Registon Plaza”da 2 ta, ya'ni yopiq va ochiq  restoran, basseyn, fitnes markazi  bor.  Asosiysi,    bu yerga kelgan mehmon o'zini uydagidek his qilishi  uchun barcha qulayliklar yaratib beriladi. 

Milliy bank  tomonidan "Registon Plaza" kabi  korxonalarni  sog'lomlashtirish va qo'llab-quvvatlash borasida ko'rilayotgan chora-tadbirlar iqtisodiyotning tashqi ta'sirlarga nisbatan barqarorligini ta'minlash imkonini berish bilan bir qatorda iqtisodiyotning barqaror rivojlanishi, eksport hajmining  oshirilishi, yangi ish o'rinlarining   tashkil etilishi  uchun  sharoit yaratmoqda.  Demak, bugungi kun uchun dolzab bo'lgan  bankrot korxonalarni sog'lomlashtirishdek vazifa kelgusida ham Milliy bank faoliyatining ustuvor yo'nalishlaridan biri bo'lib qoladi.

 

UzReport

0
0



Shuningdek o'qing

Barcha yangiliklar

"O`zmilliybank" AJdan “30 yil birgamiz” aksiyasi sovrinlarining uchinchi o‘yini g‘oliblari

07.12.2021

“O‘zmilliybank” AJ va Mastercarddan “Oltin aksiya”ning qimmatbaho sovg‘alari birinchi oraliq...

07.12.2021

“O‘zmilliybank” AJ: krеdit bo‘limi xodimlari malaka oshirmoqda

07.12.2021

“30 yil birgamiz ” aksiyasining qimmatbaho sovg‘alari oraliq o‘yinini o‘tkazish to‘g‘risida

07.12.2021

So'nggi yangiliklardan xabardor bo'ling

Haftasiga bir marta xabar yuboramiz va hech qanday spamlarsiz

Oxirgi yangilanish sanasi: 07.12.2021 16:32:06

O'zbekiston Respublikasi Markaziy bankining 15.02.2020 yildagi 22-sonli litsenziyasi.
© 2021 NBU. Barcha huquqlar himoyalangan.

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak. Saytdagi ma’lumotlardan foydalanilganda www.nbu.uz veb-saytiga havola qilish majburiy

Aloqa markazi

Aloqa ma'lumotlari

Aloqa markazining ish tartibi
dushanbadan jumagacha soat 9:00 dan 21:00 gacha

101 Amir Temur shoh ko‘chasi, Toshkent 100084

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi. COVID-19 pandemiyasi davrida so’rovlarning ko’pligi sababli murojaatlarga javob berilishida kechikish holatlari vujudga kelishi mumkin.

Xizmat sifatini yaxshilashda ishtirok eting
Iltimos, 3 ta savolga javob bering
So'rovnomaga o'tish