Kuch ishonchda

Visa Direct

Maxsus sa’y-harakatlarsiz darhol o‘tkazmalar!

Sberbankdan o‘tkazmalar

"O'zmilliybank" ning eng foydali kursi bo‘yicha!

NBU ijtimoiy tarmoqlarda:

“O‘zmilliybank” AJ aksiyadorlarining navbatdagi umumiy yig‘ilishi o‘tkazilganligi to‘g‘risida ma'lumotnoma

13.07.2020 556

2020 yil 11 iyul kuni “O‘zbekiston Respublikasi Tashqi iqtisodiy faoliyat milliy banki” AJ da bank aksiyadorlarining 2019 yil yakunlariga bag‘ishlangan navbatdagi umumiy yig‘ilishi bo‘lib o‘tdi.

O‘zbekiston Respublikasi Prezidentining 2019 yil 30 noyabrdagi PQ-4540-sonli Qaroriga asosan Bankning yuridik shakli o‘zgartirilib, unitar korxonadan aksiyadorlik jamiyati shaklida qayta tashkil qilindi. Unga binoan Bankning ta'sischilari sifatida O‘zbekiston Respublikasi Moliya vazirligi (41,5 %) va O‘zbekiston Respublikasi Tiklanish va taraqqiyot jamg‘armasi (58,5%) etib belgilangan.

Yig‘ilish kun tartibida quyidagi masalalar ko‘rib chiqildi:

  • Bankning 2019 yil yakunlari bo‘yicha yillik hisobotini tasdiqlash;
  • Bank Kuzatuv kengashi a'zolarini saylash;
  • Bank Taftish komissiyasi a'zolarini saylash;
  • Bank boshqaruvi raisi va a'zolari bilan tuzilgan mehnat shartnomalari muddatini uzaytirish va boshqa masalalar.

Yig‘ilish davomida Bank rahbariyatining 2019 yil yakunlari bo‘yicha yillik hisoboti tinglandi. 2020 yil 1 yanvar holatiga "O‘zmilliybank" AJ aktivlari 66,6 trln. so‘mni, kredit portfeli 55,0 trln. so‘mni, xususiy kapitali 13,1 trln. so‘mni, jalb qilingan depozitlari 15,3 trln. so‘mni tashkil etgan.

Shuningdek, yig‘ilish davomida “Ernst &Young” AT MChJ xalqaro auditorlik tashkiloti tomonidan 2019 yil yakunlari bilan bank faoliyatining auditi bo`yicha hisoboti eshitildi. Yil yakunlari bo‘yicha taqdim etilgan auditorlik хulosasiga asosan, sof foydaning bir qismi dividend sifatida va qolgan qismi ustav kapitalni oshirishga yo‘naltirilishi haqida qaror qabul qilindi.

Yig‘ilishda Bank Kuzatuv kengashining yangi tarkibi ham tasdiqlandi. Unga ko‘ra O‘zbekiston Respublikasi Moliya vazirining birinchi o‘rinbosari Nasritdinxodjaev Omonullo Zabixullaevich Kuzatuv kengashining Raisi sifatida tasdiqlandi.

Kuzatuv kengashining tarkibiga ilk bor mustaqil a'zo sifatida “Old Street Advisory Limited” (London, Buyuk Britaniya) kompaniyasi eksperti Muslimov Elbek qabul qilindi. Elbek Muslimov AQShning Yel biznes maktabini (Yale School of Management) biznes boshqaruvi yo‘nalishi bo‘yicha bitirgan, Citigroup Inc., Deutsche Bank, Goldman Sachs Group xalqaro moliyaviy tashkilotlarida faoliyat yuritgan.

“Aksiyadorlik jamiyatlari va aksiyadorlarning huquqlarini himoya qilish to‘g‘risida”gi O‘zbekiston Respublikasi Qonuni talablariga asosan,  "O‘zmilliybank" AJ boshqaruvi Raisi va a'zolari bilan mehnat shartnomalari muddatini uzaytirish masalasi ham ko‘rib chiqildi. Bank aksiyadorlari tomonidan "O‘zmilliybank" AJ boshqaruv Raisi hamda boshqaruv a'zolari bilan mehnat shartnomalarini uzaytirish bir ovozdan ma'qullandi. 

Yig‘ilishda shuningdek, bankda transformasiya jarayonlarining amalga oshirilishi va bankning 2020 yil uchun istiqbolli ko‘rsatkichlari ko‘rib chiqildi va tasdiqlandi.

Yig‘ilish yakunida Kuzatuv kengashi raisi tomonidan "O‘zmilliybank' AJda Korporativ boshqaruv tizimini zamonaviy talablar bo`yicha takomillashtirish va har chorakda Kuzatuv kengashi yig‘ilishlarini o‘tkazib, bankning moliyaviy ko‘rsatkichlarini muhokama qilib borish vazifalari belgilab berildi.

“O‘zmilliybank” AJ aksiyadorlari umumiy yig‘ilishi kun tartibiga kiritilgan barcha masalalar ko‘rib chiqilib muhokama natijalari bilan tegishli qarorlar qabul qilindi.

3
0



Shuningdek o'qing

Barcha yangiliklar

“O‘zmilliybank” AJ ko‘magida Forishda yangi majmua ish boshladi

27.09.2021

“O‘zmilliybank” AJ ko‘magida ish boshlagan klinik sanatoriy aholi xizmatida

23.09.2021

Shanxay hamkorlik tashkiloti Banklararo birlashmasi kengashining XVII yig‘ilishi yakunlariga ko‘ra...

21.09.2021

«O‘zmilliybanki» AJ aksiyadorlarning navbatdan tashqari umumiy yig‘ilishini o‘tkazadi

20.09.2021

So'nggi yangiliklardan xabardor bo'ling

Haftasiga bir marta xabar yuboramiz va hech qanday spamlarsiz

Oxirgi yangilanish sanasi: 28.09.2021 16:00:01

O'zbekiston Respublikasi Markaziy bankining 15.02.2020 yildagi 22-sonli litsenziyasi.
© 2021 NBU. Barcha huquqlar himoyalangan.

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak. Saytdagi ma’lumotlardan foydalanilganda www.nbu.uz veb-saytiga havola qilish majburiy

Aloqa markazi

Aloqa ma'lumotlari

Aloqa markazining ish tartibi
dushanbadan jumagacha soat 9:00 dan 21:00 gacha

101 Amir Temur shoh ko‘chasi, Toshkent 100084

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi. COVID-19 pandemiyasi davrida so’rovlarning ko’pligi sababli murojaatlarga javob berilishida kechikish holatlari vujudga kelishi mumkin.

Xizmat sifatini yaxshilashda ishtirok eting
Iltimos, 3 ta savolga javob bering
So'rovnomaga o'tish