OTB ishtirokidagi “Qishloq joylarida uy-joy qurilishini rivojlantirish” loyihasi bo`yicha ma`lumot
09.07.2021
889
Osiyo taraqqiyot banki ishtirokida “Qishloq joylarida uy-joy qurilishini rivojlantirish” loyihasi bo‘yicha o‘zlashtirilgan mablag‘lar va erishilgan natijalar to‘g‘risida ma`lumotnoma.
"O‘zmilliybank" AJ tomonidan 2013-2020 yillar davomida Osiyo taraqqiyot banki mablag‘lari hisobidan rеspublikamizning qishloq joylarida 17 627 ta namunaviy uy-joylar qurilishi uchun 210,7 mln. AQSh dollari (1,4 trln.so‘m ekv.) miqdorida mablag‘lar jalb etilgan bo‘lib, fuqarolarga yillik 7%, uzoq muddatli ipotеka krеditlari ajratilgan. Jumladan:
- 2013-2014 yillarda davlat dasturi doirasida qurilgan 3 217 ta arzon namunaviy turdagi 6 sotixli barcha qulayliklarga ega uy-joylar uchun jami 131,4 mln. AQSh dollari (289,3 mlrd.so‘m ekv.) mablag‘lari jalb etilgan. Shundan, Moliya vazirligining maqsadli mablag‘lari hisobidan 2 321 ta uy-joylar uchun 95,7 mln. AQSh dollari (207,8 mlrd.so‘m ekv.) va Osiyo taraqqiyot bankidan 896 ta uy-joylar uchun 35,7 mln. AQSh dollari (81,5 mlrd.so‘m ekv.) miqdorida mablag‘lar ajratilgan.
- 2015-2017 yillarda davlat dasturi doirasida qurilgan 7 542 ta arzon namunaviy turdagi 6 sotixli, ikki qavatli 4 sotixli hamda ikki qavatdan iborat ko‘p kvartirali ijtimoiy uy-joylar uchun jami 342,0 mln. AQSh dollari (885,5 mlrd.so‘m ekv.) jalb etilgan. Shundan, Moliya vazirligining maqsadli mablag‘lari hisobidan 6 754 ta uy-joylar uchun 306,0 mln. AQSh dollari (791,7 mlrd.so‘m ekv.) va Osiyo taraqqiyot bankidan 788 ta uy-joylar uchun 36,0 mln. AQSh dollari (93,8 mlrd.so‘m ekv.) miqdorida mablag‘lar ajratilgan.
- 2018-2020 yillar davlat dasturi doirasida qurilgan 6 868 ta arzon namunaviy turdagi 4 va 5 qavatli ko‘p kvartirali ijtimoiy uy-joylar uchun Osiyo taraqqiyot bankidan 139,1 mln. AQSh dollari (1 270,0 mlrd.so‘m ekv.) miqdorida mablag‘lar ajratilgan.
Shuningdеk, 2021 yil davlat dasturi doirasida qurilayotgan 2 560 ta 4 va 5 qavatli ko‘p kvartirali namunaviy ijtimoiy uy-joylarni qurilishini moliyalashtirish maqsadida Osiyo taraqqiyot bankidan 35,7 mln. AQSh dollari (393,3 mlrd. so‘m ekv.) miqdorida mablag‘lar jalb qilish rеjalashtirilgan.
Osiyo taraqqiyot banki mablag‘lari Moliya vazirligi tomonidan hukumat kafolati ostida chеt el valyutasida jalb qilinib, tijorat banklariga milliy valyutada ajratiladi va ushbu rеsurslarning qaytarilishi milliy valyutada hisob-kitob qilinishi tijorat banklari va aholi uchun qulay (imtiyozli, uzoq muddatli) tashqi mablag‘lar manbaasi hisoblanadi.
