Kuch ishonchda

Visa Direct

Maxsus sa’y-harakatlarsiz darhol o‘tkazmalar!

MilliyOn

Hozirning o‘zida muhim xaridlar!

NBU ijtimoiy tarmoqlarda:

Ijara: imkoniyatlar kengaymoqda

23.01.2012 1571

Mamlakatimizda kichik biznes vakillari va tadbirkorlarga yaratilayotgan imtiyozlar joylarda ishlab chiqarish va xizmat ko‘rsatish maskanlarini tashkil etish, aholi bandligini, farovonligini oshirish imkonini bermoqda. Ayniqsa, bo‘sh turgan davlat mulki – bino-inshootlarning ishbilarmonlarga ijaraga berilishi minglab yangi ish o‘rinlari yaratish, mahsulot ishlab chiqarish va xizmatlar ko‘lamining ortishiga xizmat qilmoqda.
Tadbirkorlarga foydalanilmay turgan binolar haqida ma’lumotlar berish, ijaraga oluvchilar va balansda saqlovchilarni sohadagi yangiliklardan xabardor etish maqsadida O‘zbekiston Respublikasi Davlat mulki qo‘mitasi Toshkent viloyati hududiy boshqarmasi qoshidagi Toshkent viloyati ijara markazi tomonidan joylarda ikki hafta davomida davlat mulkidan samarali foydalanishga bag‘ishlangan davra suhbatlari o‘tkazildi.
Viloyatda joylashgan korxona va tashkilotlar hamda tadbirkorlar ishtirokida o‘tgan ushbu tadbirlarda O‘zbekiston Respublikasi Vazirlar Mahkamasining 2009 yil 8 apreldagi “Davlat mulkini ijaraga berish tartibini takomillashtirish chora-tadbirlari to‘g‘risida”gi qaroriga 2011 yil 30 noyabrda kiritilgan o‘zgartirish va qo‘shimchalarning mazmun-mohiyati keng tushuntirildi.
– Ijara munosabatlarini tartibga soluvchi amaldagi qaror, unga kiritilgan qo‘shimcha va o‘zgartishlar haqida keng tushuntirish berishdan asosiy maqsad davlat mulki bo‘lgan obyektlardan samarali foydalanishdir, – deydi Toshkent viloyati ijara markazi direktori Abdurashid Hakimov. – Bu faoliyatini boshlash yoki kengaytirish niyatidagi tadbirkorlar uchun, ayniqsa, katta imkoniyatlar yaratadi. Masalan, endilikda tadbirkorlar maktab va kollejlarning vaqtincha bo‘sh turgan binolari, xususan, zal, sport maydonchalari, oshxonalarni qisqa muddatga, soatbay asosida ijaraga olishi mumkin. Bu esa davlat mulkidan samarali foydalanishni hamda turli madaniy-ma’rifiy, sport tadbirlarining qulay sharoitlarda o‘tishiga xizmat qiladi.
Toshkent viloyatida mavjud davlat mulki bo‘lgan obyektlarning foydalanilmasdan turishining oldini olish maqsadida, avvalambor, bunday obyektlarni o‘z vaqtida aniqlash, ularning xatlovini doimiy ravishda olib borish, e’lonlarni aholi gavjum maskanlarga joylashtirish, ommaviy axborot vositalarida chop etishga alohida e’tibor qaratilmoqda. Natijada korxona va tashkilotlardagi bo‘sh turgan davlat obyektlarining soni kamayib, ularni ijaraga berish miqyosi kengaymoqda. Viloyatda 2010 yilda qariyb 1,2 mingdan ortiq ijara shartnomasi tuzilgan bo‘lsa, 2011 yilda bu ko‘rsatkich 1,6 mingdan oshdi. Natijada 2011 yili 2 mingdan ortiq yangi ish o‘rni yaratildi.
Joylarda o‘tkazilgan targ‘ibot-tushuntirish ishlari davlat mulkini ijaraga beruvchi vakolatli organ, ushbu mulkni o‘z balansida saqlovchi va davlat mulki bo‘lgan obyektni ijaraga oluvchilar o‘rtasidagi hamkorlikni yanada mustahkamlashga xizmat qiladi.

 

O‘zA, 23.01.2012

0
0



Shuningdek o'qing

Barcha yangiliklar

Hurmatli bank mijozlari!

30.07.2021

“O‘zmilliybank”: biz yoshlarga doimo ko‘makdoshmiz

28.07.2021

“O‘zmilliybank” AJ ko‘magida ishlayotgan korxonada 800 nafardan ziyod kishi ishli bo‘ldi

26.07.2021

O'zmilliybank yoshlar biznes g'oyalarini qo'llab-quvvatlashga kreditlar ajratadi

23.07.2021

So'nggi yangiliklardan xabardor bo'ling

Haftasiga bir marta xabar yuboramiz va hech qanday spamlarsiz

Oxirgi yangilanish sanasi: 05.08.2021 11:05:06

O'zbekiston Respublikasi Markaziy bankining 15.02.2020 yildagi 22-sonli litsenziyasi.
© 2021 NBU. Barcha huquqlar himoyalangan.

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak. Saytdagi ma’lumotlardan foydalanilganda www.nbu.uz veb-saytiga havola qilish majburiy

Aloqa markazi

Aloqa ma'lumotlari

Aloqa markazining ish tartibi
dushanbadan jumagacha soat 9:00 dan 21:00 gacha

101 Amir Temur shoh ko‘chasi, Toshkent 100084

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi. COVID-19 pandemiyasi davrida so’rovlarning ko’pligi sababli murojaatlarga javob berilishida kechikish holatlari vujudga kelishi mumkin.