Kuch ishonchda

Background
Solfy muddatli to'lov kartasi
Foizsiz to'lash bilan xarid qilish
Batafsil
Background
Qo'shimcha to'lovlarsiz qismlarga bo'lib sotib oling
Ustama narxlarsiz, 0 so’m boshlang’ich to’lov, 12 oygacha. O’zbekiston bo’ylab minglab do’konlar.
Batafsil
1344
+998 78 148 00 10 Aloqa markazi:
Ish vaqti soat 9:00 dan 21:00 gacha
NBU ijtimoiy tarmoqlarda:

O‘zbekiston-Xitoy ishbilarmonlari biznes-forumi

23.05.2012 2645

      Toshkentda 24 may kuni O‘zbekiston va Xitoy ishbilarmon doiralari vakillarining biznes-forumi bo‘lib o‘tdi.
O‘zbekiston Respublikasi Savdo-sanoat palatasi tomonidan tashkil etilgan ushbu tadbirda ikki mamlakatning savdo-sanoat, sarmoya, iqtisodiyot, logistika, eksport-import, avtomobilsozlik, qishloq xo‘jaligi, tog‘-kon metallurgiyasi hamda xizmat ko‘rsatish kabi sohalar uchun mas’ul vazirlik va idoralari, kompaniya va konsernlari rahbarlari ishtirok etdi.
     O‘zbekiston bilan Xitoy o‘rtasida savdo-iqtisodiy va sarmoyaviy hamkorlikni kengaytirishga bag‘ishlangan mazkur anjumanda O‘zbekiston savdo-sanoat palatasi raisi Alisher Shayxov mamlakatlarimiz o‘rtasidagi hamkorlik aloqalari barcha sohalar qatori iqtisodiy yo‘nalishda ham jadal rivojlanib borayotganini, bunda ikki davlat rahbarlarining uchrashuvlarida erishilgan kelishuvlar muhim huquqiy asos bo‘lib xizmat qilayotganini alohida ta’kidladi.
     Prezidentimiz Islom Karimov rahnamoligida mamlakatimiz iqtisodiyotida amalga oshirilayotgan izchil islohotlar samarasida O‘zbekistonning jahon bozoridagi o‘rni yildan-yilga mustahkamlanib bormoqda. O‘zbekistonning barqaror iqtisodiyoti, chet el sarmoyasini jalb etish va undan foydalanish bo‘yicha puxta shakllangan mexanizm bugun eng rivojlangan mamlakatlarni ham mamlakatimiz bilan faol hamkorlik qilishga chorlamoqda. O‘zbekiston bilan Xitoy o‘rtasida iqtisodiy sohada eng ko‘p qulaylik yaratish tartibi amal qilayotir. O‘zaro tovar ayirboshlash hajmi 2011-yilda 2 milliard 596 million AQSh dollarini tashkil qildi. O‘zbekistonda Xitoy sarmoyasi ishtirokida tuzilgan 382 qo‘shma korxona, 65 Xitoy firma va kompaniyasining vakolatxonasi faoliyat ko‘rsatmoqda. Ular asosan yengil sanoat, to‘qimachilik, qishloq xo‘jaligi mahsulotlarini qayta ishlash, qurilish va axborot texnologiyalari kabi sohalarda ish olib boradi.
     Forumda xitoylik mehmonlar yurtimizda iqtisodiyotni rivojlantirish borasida izchillik bilan amalga oshirilayotgan islohotlarga oid o‘zgarishlar bilan tanishdilar. Tadbirda «Navoiy» erkin industrial-iqtisodiy zonasida va Jizzax viloyatida yuqori texnologiyalar sanoat parkini tashkil etish bo‘yicha qo‘shma loyihalarni amalga oshirishga doir masalalar muhokama qilindi.
     – O‘zbekiston barqaror iqtisodiy rivojlanish bo‘yicha Markaziy Osiyodagi yetakchi mamlakatlardandir, – dedi Xitoy  xalqaro savdoga ko‘maklashish qo‘mitasi vitse-prezidenti Yuy Pin. – O‘zbekiston Respublikasi Prezidenti Islom Karimovning 2011-yilning aprel oyida Xitoy Xalq Respublikasiga davlat tashrifi juda muvaffaqiyatli bo‘ldi. Mazkur tashrif mamlakatlarimiz o‘rtasidagi o‘zaro hamkorlikni yangi mazmun bilan boyitib, ikki tomonlama imkoniyatlarni yanada kengroq ishga solishda muhim omil bo‘lmoqda. O‘zbekiston bilan Xitoy o‘rtasidagi savdo-iqtisodiy hamkorlik aloqalari jadal taraqqiy etayotgani va o‘zaro savdo aylanmasi hajmi muttasil oshib borayotgani bizni g‘oyat quvontiradi. Mavjud imkoniyatlardan samarali foydalanib, O‘zbekiston bilan savdo-iqtisodiy munosabatlarni yanada taraqqiy ettirish, kichik biznes va xususiy tadbirkorlik yo‘nalishidagi aloqalarni yanada yuqori bosqichga olib chiqish va hamkorlikda ko‘plab qo‘shma korxonalar tashkil etish tarafdorimiz.
     Anjumanda ikki mamlakat o‘rtasida iqtisodiyot, sarmoya, savdo, logistika, kichik biznes va xususiy tadbirkorlik, avtomobilsozlik va qishloq xo‘jaligi kabi sohalardagi hamkorlikni yanada rivojlantirishga, qo‘shma loyihalarni amalga oshirishga oid masalalar yuzasidan fikr almashildi.
     Biznes-forum yakunida O‘zbekiston Respublikasi Savdo-sanoat palatasining Toshkent shahar hududiy boshqarmasi bilan Xitoy Xalqaro savdoga ko‘maklashish qo‘mitasining Sichuan qo‘mitasi o‘rtasida hamda O‘zbekiston Respublikasi Savdo-sanoat palatasining Toshkent viloyati hududiy boshqarmasi bilan Xitoy Xalqaro savdoga ko‘maklashish qo‘mitasining Sinszyan-Uyg‘ur qo‘mitasi o‘rtasida hamkorlik to‘g‘risidagi bitimlar imzolandi.
Shu kuni O‘zbekistonning qator kompaniya va korxonalari hamda Xitoy ishbilarmon doiralari vakillari ishtirokida kooperatsion birja bo‘lib o‘tdi.

O‘zA 24.05.2012

 

0
0



Shuningdek o'qing

Barcha yangiliklar

So'nggi yangiliklardan xabardor bo'ling

Haftasiga bir marta xabar yuboramiz va hech qanday spamlarsiz

Oxirgi yangilanish sanasi: 29.03.2024 19:47:31

O'zbekiston Respublikasi Markaziy bankining 25.12.2021 yildagi 22-sonli litsenziyasi.
© 2024 NBU. Barcha huquqlar himoyalangan.

Яндекс.Метрика

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak. Saytdagi ma’lumotlardan foydalanilganda www.nbu.uz veb-saytiga havola qilish majburiy

Texnik yordam NBU

Tarmoq

Xabar yuborildi!

Iltimos, elektron pochta manzilingizga javobni kuting

NBU qo‘llab-quvvatlash xizmati


Men sizning virtual yordamchingizman.
Yuklanmoqda...

NBU qo‘llab-quvvatlash xizmati


Выберите интересующую тему

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi. COVID-19 pandemiyasi davrida so’rovlarning ko’pligi sababli murojaatlarga javob berilishida kechikish holatlari vujudga kelishi mumkin.

Xizmat sifatini yaxshilashda ishtirok eting
Iltimos, 3 ta savolga javob bering
So'rovnomaga o'tish