Kuch ishonchda

Background
Qo'shimcha to'lovlarsiz qismlarga bo'lib sotib oling
Ustama narxlarsiz, 0 so’m boshlang’ich to’lov, 12 oygacha. O’zbekiston bo’ylab minglab do’konlar.
Batafsil
Background
Avto to‘lov
Bo‘sh vaqtingizdan zavqlaning!
Batafsil
1344
+998 78 148 00 10 Aloqa markazi:
Ish vaqti soat 9:00 dan 21:00 gacha
NBU ijtimoiy tarmoqlarda:

Qulay investitsiyaviy muhit samaralari

10.05.2012 3191

      Mamlakatimizda qulay investitsiya muhitining yaratilgani tufayli iqtisodiyotimizga kiritilayotgan xorijiy investitsiyalar hajmi izchil va barqaror o‘sib borayotir. Investitsiya dasturlarini amalga oshirish natijasida yangidan-yangi ob’ektlar ishga tushirilmoqda, ishlab chiqarish hajmi o‘sib, yangi ish o‘rinlari yaratilmoqda.
     Prezidentimiz Islom Karimovning 2012-yil 10-aprelda qabul qilingan “To‘g‘ridan-to‘g‘ri xorijiy investitsiyalar jalb etilishini rag‘batlantirishga oid qo‘shimcha chora-tadbirlar to‘g‘risida”gi farmoni bu borada yanada keng imkoniyatlar yaratmoqda.
     O‘zbekiston Respublikasi Adliya vazirligida tashkil etilgan anjuman mazkur farmon mazmun-mohiyati, ahamiyati hamda ijrosiga bag‘ishlandi.
     Adliya vazirining o‘rinbosari A.Usmonov mustaqillik yillarida O‘zbekistonda qulay investitsiyaviy muhit shakllantirilgani iqtisodiyot rivojida muhim ahamiyat kasb etayotganini ta’kidladi. Xorijiy investorlarning huquq va manfaatlarini himoya qilish bo‘yicha qonun yo‘li bilan keng ko‘lamdagi imtiyozlar, afzalliklar va kafolatlar tizimi yaratilgani ularning mamlakatimiz iqtisodiyotiga sarmoya kiritishga bo‘lgan qiziqishini tobora oshirmoqda.
     Hozir mamlakatimizda iqtisodiyotning yetakchi tarmoqlari va sohalarida xorijiy investitsiyalar ishtirokida 4,2 mingdan ko‘proq korxona muvaffaqiyatli faoliyat yuritmoqda. Har yili 3 milliard AQSh dollaridan ko‘proq asosan to‘g‘ridan-to‘g‘ri xorijiy investitsiyalar o‘zlashtirilmoqda. Bu esa xorijiy investorlarning mamlakatimiz iqtisodiyoti barqarorligi va pishiq-puxtaligiga, uni rivojlantirish istiqbollariga qiziqishi hamda ishonchi ortib borayotganligidan yaqqol dalolatdir.
     Davlatimiz rahbarining nomi qayd etilgan farmoni yuqori texnologiyali ishlab chiqarishlarni rivojlantirishga to‘g‘ridan-to‘g‘ri qo‘yilmalar kiritayotgan xorijiy investorlar uchun maksimal darajada qulay investitsiya muhitini yaratishga yo‘l ochayotgani sohadagi ishlar samaradorligini yanada oshiradi.
     Farmonda belgilanganidek, vazirliklar, idoralar, mahalliy davlat organlari, huquqni muhofaza qiluvchi va nazorat idoralari, tijorat banklari tomonidan xorijiy investorlar hamda xorijiy investitsiyalar ishtirokidagi korxonalarning faoliyati bilan bog‘liq qo‘shimcha talablar va cheklovlar o‘rnatilishi qat’iyan taqiqlandi va bu hol qonunga xilof deb hisoblanadi.
     Xorijiy investorlarning, xorijiy investitsiyalar ishtirokidagi korxonalarning huquq va kafolatlarini himoya qilish bo‘yicha amaldagi qonun hujjatlariga barcha davlat va xo‘jalik boshqaruvi organlari so‘zsiz rioya etishi ustidan qattiq nazorat o‘rnatilishi ham farmonda o‘z ifodasini topgan. Qonunchilik buzilishining oldini olish va aybdor mansabdor shaxslarni javobgarlikka tortish bo‘yicha prokuratura idoralari ta’sirchan choralar ko‘radi.
     O‘zbekiston Respublikasi Tashqi iqtisodiy aloqalar, investitsiyalar va savdo, Moliya, Iqtisodiyot vazirliklari, Markaziy bank, Davlat soliq va Bojxona qo‘mitalari, Savdo-sanoat palatasi mas’ul xodimlari, xorijiy investitsiyalar ishtirokidagi korxonalar vakillari qatnashgan tadbirda xorijiy investitsiyalar ishtirokidagi korxonalar uchun mamlakatimizda yaratilayotgan qulay muhit, O‘zbekiston Respublikasining sohaga oid qabul qilingan yangi normativ-huquqiy hujjatlari to‘g‘risida batafsil ma’lumot berildi. Ushbu yo‘nalishda amaliyotda yuzaga kelayotgan masalalar yechimi xususida fikr almashildi.

O‘zA 11.05.2012

 

2
0



Shuningdek o'qing

Barcha yangiliklar

So'nggi yangiliklardan xabardor bo'ling

Haftasiga bir marta xabar yuboramiz va hech qanday spamlarsiz

Oxirgi yangilanish sanasi: 27.02.2024 02:02:20

O'zbekiston Respublikasi Markaziy bankining 25.12.2021 yildagi 22-sonli litsenziyasi.
© 2024 NBU. Barcha huquqlar himoyalangan.

Яндекс.Метрика

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak. Saytdagi ma’lumotlardan foydalanilganda www.nbu.uz veb-saytiga havola qilish majburiy

Texnik yordam NBU

Tarmoq

Xabar yuborildi!

Iltimos, elektron pochta manzilingizga javobni kuting

NBU qo‘llab-quvvatlash xizmati


Men sizning virtual yordamchingizman.
Yuklanmoqda...

NBU qo‘llab-quvvatlash xizmati


Выберите интересующую тему

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi. COVID-19 pandemiyasi davrida so’rovlarning ko’pligi sababli murojaatlarga javob berilishida kechikish holatlari vujudga kelishi mumkin.

Xizmat sifatini yaxshilashda ishtirok eting
Iltimos, 3 ta savolga javob bering
So'rovnomaga o'tish