The power of trust

Auto Payment

Enjoy your free time!

Visa Direct

Easy and quick transfers!

NBU in social networks:

Milliy bank qishloqlarda uy-joy qurilishi ko'lamini kengaytirishda o'z xissasini qo'shmoqda

28.04.2015 1412

Jamiyatimizni modernizatsiyalash yo'lida amalga oshirilayotgan keng qamrovli islohotlar jarayonida, yildan yilga aholining farovonligi ortib, joylarda namunaviy loyihadagi uy-joylar qurish sur'ati va ko'lami kengayib bormoqda. Ayniqsa, qishloq aholi punktlarining arxitektura-rejalashtirish qiyofasini yanada yaxshilash, namunaviy loyihalar bo'yicha yakka tartibdagi uy-joy qurilishi ko'lamini kengaytirish, qishloqda transport va muhandislik kommunikatsiyalarini, ijtimoiy va bozor infratuzilmasi ob'ektlarini jadal rivojlantirishga alohida e'tibor qaratilmoqda. Bu borada O'zbekiston Respublikasi Tashqi Iqtisodiy faoliyat milliy banki ham o'zining salmoqli xissasini qo'shib kelmoqda.

Davlatimiz rahbarining 2009 yil 3 avgust kuni qabul qilingan “Qishloq joylarida namunaviy loyihalar asosida xususiy uy-joy qurilishini kengaytirishga oid qo'shimcha chora-tadbirlar to'g'risida”gi Qarori asosida mamlakatimizning barcha hududlarida namunaviy loyihalar asosida 3, 4 va 5 xonali uylar qurilib, foydalanishga topshirilmoqda.

Qishloq axolisini turmush darajasi va sifatini oshirish maqsadida shuningdek, yurtboshimizning 2013 yil 4 yanvardagi qaroriga muvofiq “Qishloq joylarda namunaviy loyixalar bo'yicha yakka tartibdagi uy-joylarni “kaliti bilan topshirish” sharti asosida qurilish ishlarini moliyalashtirishga 2013 yildan boshlab Respublika Tashqi Iqtisodiy faoliyat milliy banki xam jalb etilgan. 

Bugungi kunda Osiyo taraqqiyot Banki, Byudjet va Bank mablag'lari xisobidan 2013–2014 yil dasturlari bo'yicha 3217 ta namunaviy uy-joylarni qurilish-montaj ishlari uchun fuqarolarga  ajratilgan uzoq muddatli imtiyozli ipoteka kreditlari xisobidan 289 mlrd. so'm moliyalashtirish ishlari amalga oshirildi. Shuningdek, fuqarolarni badal mablag'lari hisobidan 197 mlrd. so'm moliyalashtirish ishlari ham yo'lga qo'yildi.

Aniqroq qilib aytadigan bo'lsak, 2013 yil dasturi buyicha Respublikaning 16 ta tuman va 37 ta massivlarida 1198 ta namunaviy uy-joylarni qurilish -montaj ishlari uchun jami 166 mlrd. so'm ajratildi. Shundan fuqarolarga ajratilgan  uzoq muddatli imtiyozli ipoteka kreditlari hisobidan 95 mlrd. so'm, hamda fuqarolarni badal mablag'lari hisobidan 70 mlrd. so'm moliyalashtirish ishlari amalga oshirildi. Bundan tashqari, 2014 yil dasturi buyicha Respublikaning 25 ta tuman va 41 ta massivlarida 2019 ta namunaviy uy-joylarni qurilish-montaj ishlari uchun jami 321 mlrd. so'm ajratilgan bo'lib, fuqarolarga berilgan  uzoq muddatli imtiyozli ipoteka kreditlari hisobidan 194 mlrd. so'mni tashkil qiladi. Fuqarolarni badal mablag'lari hisobidan 127 mlrd. so'm moliyalashtirish ishlari amalga oshirildi.

Shuningdek 2015 yil dasturi bo'yicha Respublikada 2752 ta namunaviy uy-joylar qurilishi uchun fuqarolarga 326 mlrd.so'm ipoteka kreditlari ajratilishi nazarda tutilgan bo'lib, bugungi kunda uning ijrosini ta'minlash bo'yicha chora-tadbirlar ishlab chiqilgan bo'lib, amaliy ishlar olib borilmoqda. 

Shu o'rinda ta'kidlash joizki, bugungi kunda Milliy bank aholiga keng qulayliklar yaratish maqsadida namunaviy uy-joylarning kredit foizlarini to'lash uchun qo'shimcha tarzda “Hisobli” omonatini taklif etmoqda. Kuni kecha yangi joriy qilingan, ushbu omonat turida hisoblangan foizlar har oyda jismoniy shaxsni qishloq joylarida uy-joy qurilishi uchun olgan kreditining foizini qoplashga yo'naltiriladi.

Xulosa o'rnida qayd etish zarurki, O'zbekiston Respublikasi Tashqi iqtisodiy faoliyat milliy banki tomonidan foydalanishga topshirilayotgan yangi uylar xalqimizning hayot tarzi, mahalliy iqlim sharoiti, shu bilan birga, zamonaviy muhandislik-kommunikatsiya tizimlari bilan uyg'un, bahavo, yorug', keng va qulay holda barpo etilayotgani yurtdoshlarimizga ma'qul kelmoqda.

 

 

 

UzReport

0
0



Receive the Latest News

We will send one email a week, no spam

Latest site update date: 08/02/2021 04:00:01 pm

License of the Central Bank of the Republic of Uzbekistan No. 22 dated Feb. 15, 2020
© 2021 NBU. All rights reserved. If you find an error in the text, highlight the wrong text and press Ctrl + Enter

If you find a discrepancy in the information provided in different languages, please follow the option in the state language. When using the site materials reference to www.nbu.uz web-site is required

Feedback

Contacts

Contact center working hours
from 9 AM to 9 PM Monday to Friday

101 Amir Temur Avenue, Tashkent 100084, Uzbekistan

Your message has been sent successfully

Our specialist will answer you within a working day. Due to the high number of requests during the COVID-19 pandemic, there may be some delays in responding to requests.