The power of trust

Milliy Deposits

Explore more profitable deposits!

MasterCard Virtual

Commission-free Online Payments!

NBU in social networks:

Respublikamizning barcha hududlarida 894 ta zamonaviy madaniyat va aholi dam olish markazlari tashkil etilmoqda

10.02.2014 1395

UzReport 10.02.2014

     O'zbekiston Respublikasi Madaniyat va sport ishlari vazirligining 2013 yildagi faoliyati yakunlari hamda 2014 yildagi ustuvor vazifalariga bag'ishlangan kengaytirilgan hay'at majlisi bo'lib o'tdi.
     Unda vazirlik hay'at a'zolari, markaziy apparat boshqarmalari boshliqlari, vazirlik tizimidagi respublika tashkilot va muassasalar rahbarlari, viloyatlar madaniyat va sport ishlari boshqarmalari boshliklari, madaniyat, san'at va olimpiya zaxiralari kollejlari direktorlari ishtirok etdi.
     Vazirlik Axborot xizmatining xabariga ko’ra, yil davomida vazirlik va uning tizim tashkilotlari tomonidan milliy bayramlar, muhim sanalarda aholi va yoshlarning madaniy hordiq chiqarishlari maqsadida 626 ta konsert tomoshalari, shundan 334 tasi qishloq joylarda, 60 tasi bolalar va o'smirlar hamda kam ta'minlangan oilalar uchun bepul namoyish etildi.
     Shuningdek, madaniyat muassasalari, madaniyat va istirohat bog'lari, hayvonot bog'lari, muzeylar tomonidan 76 mingdan ziyod tadbir o'tkazilgani ham aholi, ayniqsa, yoshlarning dunyoqarashini kengaytirish, ma'naviyatini yuksaltirish, qolaversa madaniy hordiq chiqarishlariga omil bo'ldi.
     Vazirlar Mahkamasining qaroriga muvofiq respublikaning barcha hududlari, ayniqsa, olis qishloq joylarda zamonaviy 894 ta madaniyat va aholi dam olish markazlari tashkil etilishiga kirishilgani, 2011-2015 yillarda madaniyat va istirohat bog'larining moddiy-texnika bazasini mustahkamlash va ularning faoliyatini yanada takomillashtirish chora-tadbirlari dasturi doirasida Madaniyat va istirohat bog'larida keng ko'lamda bunyodkorlik ishlarining olib borilayotgani muhim ahamiyatga ega.
     Shu o’rinda Buyuk ipak yo'lining O'zbekiston hududida joylashgan 9 ta obida umumjahon madaniy va tabiiy merosi ro'yxatiga kiritish uchun 2013 yilda YUNESKOga taqdim etilgani ham bu borada olib borilayotgan salmoqli ishlar samarasini ko'rsatadi.
     Xususan, YUNESKOning Markaziy Osiyo tadqiqotlari xalqaro instituti bilan hamkorlikda “Nomoddiy madaniy meros obyektlarini inventariztsiya qilish” loyihasi doirasida respublikamiz hududlarida o'tkazilgan kompleks ilmiy ekspedtsiyalarda 240 turdagi an'anaviy musiqali audioyozuvlar va 4 mingdan ziyod foto materiallar to'plandi.
     Afsona, rivoyat, xalq qo'shiq va o'yinlari, udum va odatlari kabi yo'nalishlarda juda ko'p yo'q bo'lib ketayotgan qimmatli ma'lumotlar yozib olinib, 77 ta nomoddiy madaniy meros obyekti milliy ro'yxatga kiritildi.
     Shuningdek, 2013 yil davomida jami 10 mingdan ziyod ommaviy sport tadbirlari o'tkazilib, ularga 2,3 mln. nafarga yaqin ishtirokchi jalb etildi, shulardan 961 ming nafarini xotin-qizlar tashkil etdi.
     Voyaga yetmaganlar o'rtasida sog'lom turmush tarzini shakllantirish maqsadida joylarda 8237 ta ommaviy sport musobaqalari tashkil etildi.
     E'tirof etilganidek, 2013 yilda noolimpiya sport turlari bo'yicha jami 33 ta xalqaro, 4 ta osiyo, 51 ta respublika chempionatlari o'tkazildi. Ushbu xalqaro va osiyo chempionatlarida 79 ta oltin, 31 ta bronza, 37 ta kumush jami 147 ta medal sportchilar tomonidan qo'lga kiritildi. Olimpiya va milliy sport turlari bo'yicha o'tkazilgan 206 ta xalqaro musobaqalarda hamda 51 ta o'quv-mashg'ulotlari yig'inida jami 2011 nafar, shundan 643 nafari sportchi qizlar ishtirok etishib, 276 ta oltin, 250 ta kumush, 268 ta bronza jami 794 ta medallarni qo'lga kiritishga musharraf bo'ldi.
     2013 yilda respublikamizda olimpiya sport turlari 14 ta xalqaro musobaqalar o'tkazilgani yurtimizda sportning rivojiga qaratilayotgan yuksak e'tiborning natijasidir.

0
0



Receive the Latest News

We will send one email a week, no spam

Latest site update date: 12/07/2021 04:00:01 pm

License of the Central Bank of the Republic of Uzbekistan No. 22 dated Feb. 15, 2020
© 2021 NBU. All rights reserved. If you find an error in the text, highlight the wrong text and press Ctrl + Enter

If you find a discrepancy in the information provided in different languages, please follow the option in the state language. When using the site materials reference to www.nbu.uz web-site is required

Feedback

Contacts

Contact center working hours
from 9 AM to 9 PM Monday to Friday

101 Amir Temur Avenue, Tashkent 100084, Uzbekistan

Your message has been sent successfully

Our specialist will answer you within a working day. Due to the high number of requests during the COVID-19 pandemic, there may be some delays in responding to requests.

Take part in improving the quality of service
Please answer 3 questions
Go to quiz