The power of trust

MasterCard Virtual

Commission-free Online Payments!

Milliy Deposits

Explore more profitable deposits!

NBU in social networks:

Tadbirkor ayollar qo‘llab-quvvatlanmoqda

07.05.2012 1881

      Qashqadaryo viloyati Yoshlar markazida “Mustahkam oila yili” Davlat dasturi doirasida tadbirkor va hunarmand xotin-qizlar tajribasini ommalashtirish, ularning kasb mahorati, bilim darajasini oshirish, yangi ish o‘rinlari yaratishdagi ishtirokini kengaytirish masalalariga bag‘ishlangan biznes-forum bo‘lib o‘tdi.
     Viloyat xotin-qizlar qo‘mitasi, “Tadbirkor ayol” uyushmasining viloyat bo‘limi, O‘zbekiston Respublikasi Markaziy bankining viloyat bosh boshqarmasi, “Kamolot” yoshlar ijtimoiy harakati viloyat bo‘limi hamkorligida tashkil etilgan ushbu tadbirda viloyatdagi yakka tartibda faoliyat yuritayotgan tadbirkor, ishbilarmon va hunarmand xotin-qizlar hamda tijorat banklari va viloyat davlat soliq boshqarmasi vakillari ishtirok etdi.
     Tadbirda viloyat xotin-qizlar qo‘mitasi raisi, viloyat hokimining o‘rinbosari Inobat Karimova va boshqalar xotin-qizlarni ish bilan ta’minlash, ularning mehnat sharoitini yanada yaxshilash, tadbirkorlik harakatiga keng jalb etish borasida amalga oshirilayotgan ishlar xususida so‘z yuritdi. Ayni vaqtda xotin-qizlar mehnatining kasanachilik, kichik biznes kabi samarali usullarini yanada rivojlantirish, ularning huquqiy manfaatlarini qat’iy himoya qilish, mehnat muhofazasini kuchaytirishga alohida e’tibor qaratish lozimligi ta’kidlandi. Shuningdek, biznes-forumda ijtimoiy sheriklik, xotin-qizlar bandligini yanada oshirish uchun kreditlar ajratish borasida olib borilayotgan ishlar tahlil qilindi.
     Biznes-forumda xotin-qizlarning tadbirkorlikni yo‘lga qo‘yishlari, kredit olish bilan bog‘liq muammolari va boshqa masalalar bo‘yicha berilgan savollarga respublika Markaziy banki viloyat bosh boshqarmasi hamda tijorat banklarining mutaxassislari tomonidan javob berildi.
     Tadbirda ishbilarmon va tadbirkor ayollar tegishli nominatsiyalar bo‘yicha munosib rag‘batlantirildi. “Eng ko‘p ish o‘rni yaratgan tadbirkor ayol” nominatsiyasida Qarshi tumanilik Dildora Rasulova, “Eng ko‘p mahsulot eksport qilgan tadbirkor ayol” nominatsiyasida shahrisabzlik tadbirkorlar – Yulduz Mamadiyorova va Fazilat Qodirova, “Ustoz-shogird” maktabini tashkil etib, eng ko‘p shogird tayyorlagan tadbirkor ayol” va “Eng yosh va yangi loyiha g‘olibi” nominatsiyalarida muboraklik Yulduz Chapayeva hamda opa-singil Muborak va Oybaland Daminovalar g‘olib, deb topildi.
     Biznes-forum doirasida tadbirkor va hunarmand xotin-qizlar tomonidan tayyorlangan mahsulotlar ko‘rgazmasi namoyish etildi.

O‘zA 08.05.2012

 

0
0



Receive the Latest News

We will send one email a week, no spam

Latest site update date: 08/02/2021 04:00:01 pm

License of the Central Bank of the Republic of Uzbekistan No. 22 dated Feb. 15, 2020
© 2021 NBU. All rights reserved. If you find an error in the text, highlight the wrong text and press Ctrl + Enter

If you find a discrepancy in the information provided in different languages, please follow the option in the state language. When using the site materials reference to www.nbu.uz web-site is required

Feedback

Contacts

Contact center working hours
from 9 AM to 9 PM Monday to Friday

101 Amir Temur Avenue, Tashkent 100084, Uzbekistan

Your message has been sent successfully

Our specialist will answer you within a working day. Due to the high number of requests during the COVID-19 pandemic, there may be some delays in responding to requests.